سعودی عرب کا قومی دن،پاکستان انٹرنیشنل سکول کی جانب سے رنگارنگ تقریب
سعودی عرب میں مقیم لاکھوں پاکستانی یوم الوطنی کو بھرپور انداز سے مناتے ہیں اور سعودی بھائیوں کی خوشیوں میں شریک ہوتے ہیں
ایونٹ کے ذریعے ہم سعودی قیادت اور عوام کو یہ پیغام دے رہے ہیں کہ پاکستان سعودی عرب کو قدر کی نگاہ سے دیکھتا ہے، احمد فاروق ودیگر کا خطاب
ریاض ( بیورورپورٹ )سعودی عرب کے قومی دن کے حوالے سے سفارت خانہ پاکستان کے زیر اہتمام پاکستان انٹرنیشنل سکول کی جانب سے رنگارنگ تقریب کا اہتمام کیا گیا جس میں پاکستانی سفیر سمیت سعودی شخصیات شریک ہوئیں جبکہ بچوں نے سعودی نغموں پر پرفارم کرکے سماں باندھ دیا
سعودی دارالحکومت ریاض میں سفارت خانہ پاکستان کے زیر اہتمام پاکستان انٹرنیشنل سکول میں بوائز اینڈ گرلز سیکشن کی جانب سے یوم الوطنی کا رنگا رنگ پروگرام منعقد کیا گیا جس میں پاکستانی طلباء اور طالبات نے سعودی لباس پہن کر سعودی بھائیوں کے ساتھ قومی دن کے حوالے سے پاک سعودی دوستی کو اجاگر کیا
اس موقعہ پر سفیر پاکستان احمد فاروق ائیر ایند نیول اتاشی راحیل شوکت ویلفیئر اتاشی رانا محمد معصوم اور پرنسپل راجہ محمد عرفان سمیت اساتذۂ کی بڑی تعداد موجود تھی پاکستانی طلباء نے سعودی پرچم لہرائے اور پاک سعودی دوستی پر مبنی نعرے لگائے جبکہ بچوں نے سعودی نغموں پر شاندار پرفارمنس دیکر سمان باندھ دیا
اس موقعہ پر سفیر پاکستان احمد فاروق نے کہا کہ سعودی عرب ہمارا دوسرا گھر ہے اور سعودی عرب میں مقیم لاکھوں پاکستانی یوم الوطنی کو بھرپور انداز سے مناتے ہیں اور سعودی بھائیوں کی خوشیوں میں شریک ہوتے ہیں
پاکستان انٹرنیشنل سکول کے پرنسپل کا کہنا تھا کہ سکول کے بوائز اینڈ گرلز سیکشن کے سینکڑوں بچوں نے انتہائی محنت کے ساتھ ایونٹ کی تیاری کی جس مین والدین اور اساتذہ کی محنت بھی شامل ہے اور اس ایونٹ کے ذریعے ہم سعودی قیادت اور عوام کو یہ پیغام دے رہے ہیں کہ پاکستان سعودی عرب کو قدر کی نگاہ سے دیکھتا ہے اور پاکستانی عوام سعودی عرب سے دلی لگاو رکھتے ہیں اور ہم آئندہ بھی اسی طرح اپنے سعودی بھائیوں کی خوشیوں میں شریک ہوتے رہیں گے