ڈیٹا کی انقلابی طاقت،ڈیٹا فیسٹ 2024 کا کامیاب انعقاد

ڈیٹا کی انقلابی طاقت،ڈیٹا فیسٹ 2024 کا کامیاب انعقاد،اعداد کی زباں۔ترقی کا نشاں ادارہ شماریات کے زیر اہتمام

اسلام آباد)(سٹاف رپورٹر)ادارہ شماریات کے زیر اہتمام پاکستان میں پہلے ڈیٹا فیسٹ 2024 کا کامیاب انعقاد کیا، تقریب میں ماہرین، محققین اور ڈیٹا سے منسلک افراد کی ایک کثیر تعداد نے شرکت کی جو جدید معاشرے میں ڈیٹا کی تبدیلی کی طاقت کو تلاش کرنے کے لئے پرعزم تھے۔ اس اہم اجتماع نے باخبر فیصلہ سازی، جدت اور معاشرتی ترقی میں اعداد و شمار کے اہم کردار کو اجاگر کرتے ہوئے تعاون اور معلومات کے تبادلے کو فروغ دیا، درپیش چیلنجوں سے نمٹنے اور پاکستان کی اقتصادی ترقی کو فروغ دینے کے لئے نئے حل کی ترغیب دی۔ ڈیٹا فیسٹ 2024 کے اہم اسٹریٹجک شراکت دار UNICEF,UNFPA,World Bank,ILO,UNHCR,FAOاور ADBہیں ۔ یہ تنظیمیں عالمی ترقی، صحت عامہ اور تعلیم میں وسیع مہارت رکھتی ہیں۔ اختتامی تقریب 22 اکتوبر 2024 کی شام کو منعقد کی گئی۔

ڈیٹا کی انقلابی طاقت،ڈیٹا فیسٹ 2024 کا کامیاب انعقاد
پاکستان ادارۂ شماریات کے ڈیٹا فیسٹیول میں پاکستان کے اہم مسائل کو حل کرنے والے پانچ اہم موضوعات پر توجہ مرکوز کی گئی، جس میں بامعنی تبدیلی کے لئے ڈیٹا سے فائدہ اٹھانے کی اہمیت کو اجاگر کیا گیا۔ قابل اعتماد اور شفاف اعداد و شمار پر زور دے کر ، ڈیٹا فیسٹ تھیمز نے باخبر فیصلہ سازی اور قومی ترقی کے لئے اپنی صلاحیت کا مظاہرہ کیا۔ قابل اعتماد اور شفاف اعداد و شمار باخبر فیصلہ سازی اور قومی ترقی کے لئے انتہائی اہمیت کے حامل ہیں ۔پاکستان ادارۂ شماریات کا استعداد کار بڑھانےکے لئے مشترکہ کوششوں پر توجہ دینا پاکستان کی ترقی میں معاون ثابت ہو گا۔ 21 اکتوبر 2024ء کو پاکستان ادارۂ شماریات نے ایونٹ کے پہلے دن 2 اور دوسرے روز 4 پینل مباحثوں کا انعقاد کیا جس میں مختلف تنظیموں کی نمائندگی کرنے والے ممتاز بین الاقوامی اور قومی ماہرین نے موضوعاتی شعبوں میں درپیش چیلنجز سے نمٹنے کے لئے اپنے نقطہ نظر کا تبادلہ کرنے کے لئے شرکت کی۔
فیسٹیول میں جدید ترین ڈیٹا سلوشنزاور جدید ٹیکنالوجیز کی نمائش کے لیے اسٹالز لگائے گئے۔ صوبائی ادارہ شماریات، نادرا، صوبائی آئی ٹی بورڈز، تعلیمی اداروں، اقوام متحدہ کی تنظیموں اور نجی انٹرپرائزز سمیت پاکستان کے معروف ڈیٹا پروڈیوسرز اور صارفین نے ڈیٹا کی تبدیلی کی طاقت کو ظاہر کرنے کے لئے جمع ہوئے۔ انہوں نے شفافیت، باخبر فیصلہ سازی، درستگی کو یقینی بنانے اور اہم قومی پالیسیوں کی حمایت کرنے والے نظاموں میں عوام کے اعتماد کے لئے ڈیٹا انضمام کی اہمیت پر زور دیا۔ اس مشترکہ کوشش نے موثر اعداد و شمار کے استعمال کے لئے صلاحیت سازی اور بین الشعبہ جاتی تعاون کو اہم قرار دیا۔ اس تقریب میں طالب علموں نے بھرپور شرکت کی، ڈیٹا سے منسلک نوجوان افراد نے اس تقریب میں رضاکارانہ طور پر حصہ لیا جوڈیٹا کی صلاحیت کو اجاگر کرنے کے لئے ان کے عزم کی نمائندگی کرتا ہے۔
ان سرگرمیوں میں چھ پینل مباحثوں کے علاوہ اہم مقررین اور مختلف شعبوں سے تعلق رکھنے والے معروف ماہرین کی جانب سے ورکشاپ اسٹیشنوں پر مختلف موضوعات پر تقریبا 60 پریزنٹیشنز بھی پیش کی گئیں۔ تعلیمی اداروں کے طلباء نے بھی ڈیٹا فیسٹیول میں حصہ لیا اور اپنے پراجیکٹس پیش کیے۔ یونیورسٹیوں کے درمیان پراجیکٹ مقابلہ بھی منعقد ہوا جس میں ایئر یونیورسٹی اسلام آباد نے پہلی، ایئر یونیورسٹی کامرہ نے دوسری اور ایریڈ ایگریکلچر یونیورسٹی راولپنڈی نے تیسری پوزیشن حاصل کی۔

ممبر ایس ایس/آر ایم اور فوکل پرسن پاکستان ادارۂ شماریات جناب محمد سرور گوندل (ستارۂ امتیاز) نے تقریب کے دوران حاصل ہونے والے رابطوں اور معلومات کو جاری رکھنے کی اہمیت پر روشنی ڈالی۔ ڈیٹا فیسٹ 2024 میں دکھائے گئے باہمی تعاون کا جذبہ اس تقریب کو یادگار اور نتیجہ خیز بنانے میں ایک اہم جزو تھا، جس سے ڈیٹا پر مبنی حل میں مستقبل کی جدت کی راہ ہموار ہوئی۔ انہوں نے تقریب کی کامیابی میں کردار ادا کرنے پر تمام کلیدی مقررین، پریزنٹر، پینلسٹ، منتظمین، شرکاء اور اسٹیک ہولڈرز کا تہہ دل سے شکریہ ادا کیا۔

ڈیٹا کی انقلابی طاقت،ڈیٹا فیسٹ 2024 کا کامیاب انعقاد
اختتامی کلمات میں پاکستان ادارۂ شماریات کے چیف شماریات ڈاکٹر نعیم الظفر (ستارۂ امتیاز)نے دو روزہ ایونٹ میں فعال شرکت اور تعاون پر تمام شرکاء کا تہہ دل سے شکریہ ادا کیا۔ اس تقریب نے ڈیٹا سائنس کے شعبے میں سیکھنے، تعاون اور جدت کے سفر کے لئے ماہرین اور ڈیٹا سے منسلک افراد کو کامیابی کے ساتھ اکٹھا کیا۔ چیف شماریات نے ڈیٹا فیسٹ کے سفیروں، رضاکاروں اور مختلف یونیورسٹیوں کے فیکلٹی ممبران کے جذبے اور لگن کو تسلیم کیا جنہوں نے اس ایونٹ میں فعال طور پر حصہ لیا۔ انہوں نے شرکاء کی مصروفیت پر شکریہ ادا کیا ، نتیجہ خیز تبادلہ خیال اور بامعنی رابطوں کو اجاگر کیا جو ڈیٹا پر مبنی ترقی کی حوصلہ افزائی کریں گے۔ انہوں نے نیپال، عمان، تھائی لینڈ اور آسٹریلیا سے پاکستان آنے والے تمام بین الاقوامی وفود کے ساتھ ساتھ SESRIC، آذربائیجان، ازبکستان اور ایران کے آن لائن ماہرین کا بھی شکریہ ادا کیا۔ چیف شماریات نے ایونٹ کے اہم نتائج سے آگاہ کیا اور امید ظاہر کی کہ یہ ایونٹ شواہد پر مبنی فیصلہ سازی کی راہ ہموار کرے گا۔

ڈیٹا فیسٹ 2024 پاکستان میں اعداد و شمار پر مبنی مستقبل کے لئے ایک اجتماعی وژن کی نمائندگی کرتا ہے۔ پاکستان ادارۂ شماریات ڈیٹا پر مبنی حل کو آگے بڑھاتے ہوئےملک کو درپیش چیلنجز سے نمٹنےاور فلاح وبہبود کے لئے وقف ہے تقریب نے اسٹیک ہولڈرز کے مابین جاری تعاون کے لئے پلیٹ فارم فراہم کیااور تمام پاکستانیوں کے لئے زیادہ منصفانہ اور خوشحال مستقبل بنانے کے لئے ڈیٹا کی صلاحیت کو اجاگر کیا۔ آخر میں پاکستان ادارۂ شماریات تمام شراکت داروں اور اسٹیک ہولڈرز کا شکریہ ادا کرتا ہے جنہوں نے اس ایونٹ کو تمام اسٹیک ہولڈرز کے لئے فائدہ مند اور نتیجہ خیز بنایا۔

ترقیاتی ورکنگ پارٹی کا مالی سال 25-2024 کا دوسرا اجلاس