صدرزرداری نیشنل ایرواسپیس سائنس اینڈ ٹیکنالوجی پارک کادورہ
راولپنڈی(سٹاف رپورٹر)صدر مملکت آصف علی زرداری کا پاک فضائیہ کے زیر اہتمام نیشنل ایرو اسپیس سائنس اینڈ ٹیکنالوجی پارک کا دورہ،
پاک فضائیہ کے سربراہ ایئر چیف مارشل ظہیر احمد بابر سدھو بھی اس موقع پر موجود تھے،دورے کے دوران صدر مملکت کو پارک کے بارے میں تفصیلی بریفنگ، بریفنگ کے دوران سائنس اینڈ ٹیکنالوجی پارک پاک فضائیہ کے ترقی کے سفر میں اہم سنگ میل ہے ، بریفنگ کے دوران ترجمان نے صدر مملکت کو بتایا،
یہ منصوبہ قومی اہمیت کا حامل ہے، سائنس اینڈ ٹیکنالوجی پارک پاکستان میں علم اور ٹیکنالوجی پر مبنی معیشت کی بنیاد بننے کے لیے تیار ہے، پارک کا مقصد خلائی، سائبر، آئی ٹی، مصنوعی ذہانت اور ایرو اسپیس میں نجی اور پبلک سیکٹر کے اداروں کو جوڑنا ہے ، سائنس اینڈ ٹیکنالوجی پارک دنیا کے بہترین ایرو اسپیس، سائبر اور آئی ٹی کلسٹرز میں سے ایک بننے کے لیے پوری طرح تیار ہے ،
پارک ابھرتی ٹیکنالوجیز ، تحقیق و تیاری اور اختراعی مراکز کے ساتھ قومی منظر نامے کو بدل دے گا۔پارک سے ملک کو سماجی، اقتصادی، سیکورٹی اور سائنسی طور پر فائدہ ہوگا، صدر مملکت نے پاک فضائیہ اور اس کے ہنر مند اہلکاروں کی حوصلہ افزائی کرتے ہوئے نیشنل ایرو اسپیس سائنس اینڈ ٹیکنالوجی پارک میں جدید ترین تکنیکی ماحولیاتی نظام کو سراہا،
صدر مملکت نے جدید جنگی چیلنجوں سے نمٹنے اور قومی تزویراتی اہمیت کے منصوبے کو بے مثال مدت میں مکمل کرنے پر پاک فضائیہ کی قیادت کے وژن اور فعالیت کو سراہا۔