نیب اور او پی ایف کے درمیان مفاہمتی یادداشت پر دستخط
اسلام آباد(سٹاف رپورٹر) قومی احتساب بیورو (نیب)، وزارتِ بیرونِ ملک پاکستانیز و انسانی وسائل کے زیرِ انتظام اوورسیز پاکستانیز فاؤنڈیشن (او پی ایف) کے مابین باہمی تعاون اور حکمت عملی کا فریم ورک تشکیل دینے کے لئے مفاہمتی یادداشت کی تقریب کا انعقاد، (ایم او یو) پر دستخط ۔
تقریب میان او پی ایف کے ڈائریکٹر جنرل (ویلفیئر اینڈ سروسز ڈویژن) لائیقہ امبرین اور نیب کے ڈائریکٹر جنرل (اے اینڈ پی) اظہار احمد اعوان نے چیئرمین نیب لیفٹیننٹ جنرل (ر) نذیر احمد،پراسیکیوٹر جنرل نیب سید احتشام قادرشاہ، چیئرمین او پی ایف بورڈ آف گورنرز سید قمر رضا ، منیجنگ ڈائریکٹر او پی ایف محمد افضل بھٹی ،نیب اور او پی ایف کے ذمہ داران کی شرکت۔
تفصیلات کے مطابق گزشتہ روز او پی ایف، نیب کے درمیان باہمی تعاون کے فروغ کے پیش نظر یاداشت پر دستخط کئے گے۔ باہمی یاداشت میں بیرونِ ملک مقیم پاکستانیوں کے مسائل حل کرکے ان کی شکایات دور کی جا سکیں جن میں جائیداد کے تنازعات، مالی دھوکہ دہی، اختیارات کا ناجائز استعمال اور دیگر ایسے امور شامل ہیں جو نیب کی مداخلت سے حل ہو سکتے ہیں –
مقصد ایک ایسا موثر اور مددگار طریقہ کار طے کرنا ہے جس کے ذریعے او پی ایف اور نیب مشترکہ طور پر بیرونِ ملک مقیم پاکستانیوں کی طرف سے موصول ہونے والی شکایات کا حل ممکن بنائیں گے اور اس طرح تشکیل پائے نے والے ضابطے کے ذریعے ہاؤسنگ اسکیموں میں دھوکہ دہی ، جائیداد پر قبضہ سے متعلق تنازعات، الاٹمنٹ اور ہاؤسنگ ڈویلپرز اور مختلف افراد کی طرف سے انفرادی اور نجی اداروں کی طرف سے کیے جانے والے مالی بد انتظامی یا بے ضابطگیوں کے واقعات اور اسی نوعیت کے بیرونِ ملک مقیم پاکستانیوں سے متعلق دیگر امور حل ہوں گے۔ نیب کی معاونت سے بیرونِ ملک مقیم پاکستانیوں کی شکایات مؤثر انداز میں دور کی جا سکیں –
مفاہمت کی یاداشت کے تحت، شکایات سے متعلق سوالات کے بروقت جواب کے لیے نیب (ہیڈ آفس اور ریجنل دفاتر سمیت) میں بیرونِ ملک مقیم پاکستانیوں کے لیے مخصوص سہولت ڈیسک یا سیل قائم کیے جائیں گے تاکہ او پی ایف یا بیرونِ ملک مقیم پاکستانیوں کی طرف سے شکایات موصول کی جا سکیں اور ان کے ازالے کے لیے موصول شدہ درخواستوں پر بلا تاخیر عمل درآمد کرایا جا سکے۔ اس کے علاوہ نیب اور سیز پاکستانیز کی شکایات کے حل کے لئے او پی ایف کے ساتھ ہیلپ لائن کے ذریعے رابطہ میں رہے گا۔