عامر علی احمد،مبشر حسن کو وزیراعظم کی طرف سے ایکسیلینس ایوارڈ۔
وزیراعظم رمضان ریلیف پیکیج کی کامیابی اور مستحقین تک رقوم کی ڈیجیٹل فراہمی کے لئے نمایاں کارکردگی کا مظاہرہ کرنے والے افراد کی پذیرائی کے حوالے سے تقریب ،پرنسپل انفارمیشن آفیسر مبشر حسن کو بھی ایوارڈ
اسلام آباد (سٹاف رپورٹر)وزیراعظم رمضان ریلیف پیکیج کی کامیابی اور مستحقین تک رقوم کی ڈیجیٹل فراہمی کے لئے نمایاں کارکردگی کا مظاہرہ کرنے والے افراد کی پذیرائی کے حوالے سے ایک خصوصی تقریب آج وزیراعظم ہاؤس اسلام آباد میں منعقد ہوئی۔
وزیراعظم محمد شہباز شریف نے بطور مہمان خصوصی شرکت کی
تقریب کے شرکاء سے خطاب کرتے ہوئے وزیراعظم نے کہا کہ رمضان ریلیف پیکیج کی کامیابی کے لئے تمام اسٹیک ہولڈرز کی کاوشیں قابل تعریف ہیں انہوں نے کہا کہ پیکج کے تحت مستحق افراد کا وقار برقرار رکھتے ہوئے شفاف انداز میں ادائیگیاں کی گئیں ؛ ادائیگی کے جدید طریقہ کار سے رقوم کی منتقلی ممکن ہوئی . انہوں نے کہا کہ
ڈیجیٹل والٹس کے ذریعے رقوم کی منتقلی انتہائی سہل اور شفاف رہی؛ پروگرام کے تحت 79 فیصد رقوم ڈیجیٹل طریقے سے ادا کی گئیں : انہوں نے مزید کہا کہ ادائیگی کے پرانے نظام میں بہت خامیاں تھیں جو کی اس جدید نظام سے دور کی ہوئیں ؛نظام کو جدید خطوط پر استوار کرنے کے لئے اقدامات کے مثبت نتائج سامنے آئے. ان کا کہنا تھا کہ ڈیجیٹل والٹ کے دائرہء کار کو ملک بھر میں توسیع دیں گے ؛ مربوط نظام کے ذریعے ڈیجیٹل ادائیگیوں کے عمل میں صوبوں کو بھی شامل کریں گے۔انہوں نے کہا کہ الحمدللہ ٹیم ورک کی بدولت مستحق خاندانوں کو رقوم کی فراہمی ممکن ہوئی ؛ آئندہ سال ڈیجیٹل طریقے سے 100 فیصد فنڈزکا استعمال یقینی بنائیں گے۔
تقریب میں سیکرٹری بے نظیر انکم سپورٹ پروگرام عامر احمد علی نے پی ایم رمضان ریلیف پیکج اور ڈیجیٹل والٹس کے حوالے سے تفصیلی بریفنگ دی۔
وزیراعظم نے پی ایم رمضان ریلیف پیکج کے نفاذ میں اہم کردار ادا کرنے والے سرکاری اور نجی اداروں کے افسران کی خدمات کے اعتراف میں انہیں اعزازی شیلڈز دیں۔
___