آسٹریلوی ہائی کمیشن نے اسلام آبادکے زیر اہتمام آسٹریلیا ڈے منانے کی تقریب کا انعقاد
آسٹریلیا اور پاکستان کے لوگوں کے بیچ دوستی کا جشن
اسلام آباد(سٹاف رپورٹر)آسٹریلوی ہائی کمیشن نے اسلام آبادد کے زیر اہتمام آسٹریلیا ڈے منانے کی تقریب کا انعقاد، تقریب میں آسٹریلیا اور پاکستان کے درمیان دوستی اور لوگوں کے آپس کے رشتوں کو جوش و خروش سے منانے کے ساتھ مزید مضبوط کرنے کے عزم، تقریب میں دونوں ملکوں کی ثقافتوں کو جوڑنے والی تصاویر و نمونہ کو آویزاں کیا گیا—ٹَرک آرٹ میں کینگرو، باغ میں گونجتی آسٹریلیا کے مقامی پرندوں کی آوازیں، اور بڑی بڑی اسکرینوں پر آسٹریلیا کی چھ ریاستوں اور دو علاقوں کی خوبصورتی دکھائی گئی،یائی کمشنر نیل ہاکنز نے خطاب کرتے ہوٸے کہا کہ یہ رشتہ لوگوں کی وجہ سے چلتا ہے۔
بلوچ اونٹ بان، جنہوں نے آسٹریلیا کے دور دراز علاقوں کو آباد کرنے میں مدد کی، سے لے کر اُن ایک لاکھ سے زیادہ پاکستانیوں تک جو اب آسٹریلیا میں رہتے ہیں، اور وہ بیس ہزار طلبہ جو آسٹریلیا میں تعلیم حاصل کر رہے ہیں—یہ سب رشتے زندہ ہیں، بڑھ رہے ہیں، اور دل سے جُڑے ہوئے ہیں۔
نیل ہاکنز نے کہا:
ہماری دوستی مل کر کام کرنے اور ایک جیسے تجربات سے بنی ہے—سائنسدان جو بنجر زمین کو قابل کاشت بناتے ہیں، خواتین جو کرکٹ اور دیگر کھیلوں میں بڑھ چڑھ کر حصہ لیتی ہیں، اور آسٹریلی سے پڑھ کے آنے والے وہ طالب علم جو اب پاکستان کا مستقبل سنوار رہے ہیں۔ یہ دوستی امید، تعلق اور ایک بہتر کل کا وعدہ ہے۔
ہائی کمشنر نے کہا کہ آسٹریلیا اور پاکستان چالیس سال سے زیادہ عرصے سے زراعت اور پانی جیسے اہم شعبوں میں ایک ساتھ کام کر رہے ہیں، اور ہماری دفاعی دوستی بھی پرانی ہے۔ آسٹریلیا آج بھی پاکستان میں تعلیم، موسم کی تبدیلیوں سے نمٹنے، اور حقوق نسواں کے لیے ہر سطح پر لوگوں کے ساتھ مل کر کام کر رہا ہے تاکہ عام لوگ اس سے مستفید ہوں۔
یہ دوستی صرف حکومتوں کی نہیں، بلکہ عام لوگوں کے دل سے دل کے رشتے کی کہانی ہے۔ اور یہ ہر دن مزید مضبوط ہو رہی ہے۔