طارق فضل چوہدری کی ترکیہ کے سفیر ڈاکٹر عرفان نیزیروگلو سے ملاقات
اسلام آباد(سٹاف رپورٹر)وفاقی وزیر برائے پارلیمانی امور ڈاکٹر طارق فضل چوہدری کی ترکیہ کے سفیر ڈاکٹر عرفان نیزیروگلو سے ملاقات،سفیر ترکیہ نے وفاقی وزیر ڈاکٹر طارق فضل کو عہدہ سنبھالنے پر مبارکباد دی
ملاقات میں دو طرفہ تعلقات کو بہتر بنانے پر اتفاق رائے، ترکیہ کے سفیر نے گفتگو کرتے ہوۓ کہا کہ
ترکیہ اور پاکستان اسلامی برادر ملک ہیں، پاکستان اور ترکیہ مل کر ایک مضبوط اور ترقی یافتہ ملک کے طور پر ابُھر سکتے ہیں، ترکیہ دہشتگردی کی جنگ میں پاکستان کے ساتھ کھڑا ہے، انہوں نے کہا کہ
ترکیے میں اس وقت 4000 کے قریب پاکستانی طلباء زیرِ تعلیم ہیں، اس تعداد میں اضافے کی ضرورت ہے، طارق فضل چوہدری نے کہا کہ ترکیہ نے ہمیشہ پاکستان کا ساتھ دیا ہے، ترکیہ پاکستان کا برادر ملک ہے اور انکے ساتھ ہمارا روحانی تعلق ہے، پاکستان ترکیہ کی دو طرفہ تعلقات خاص طور پر تعلیمی میدان میں تعاون کو قدر کی نگاہ سے دیکھتا ہے، ڈاکٹر طارق فضل چوہدری نے کہا کہ
پاکستان ترکیے کے ساتھ ہر شعبے میں ممکنہ تعاون کے لیے تیار ہے،
پاکستان میں میٹرو بس کا منصوبہ بھی ترکیہ کی بس سروس سے متاثر ہو کر کیا گیا تھا،
پاکستان اور ترکیہ واحد مسلم ممالک ہیں جن کی افواج مضبوط ہیں،
