الیکشن کمیشن میں نئےتعینات الیکشن افسران کی ٹریننگ کا آغاز
اسلام آباد(سٹاف رپورٹر)الیکشن کمیشن نے 23نئے تعینات الیکشن افسران (بی ایس-17) کے لیے 13 ہفتوں پر مشتمل سروس ٹریننگ کا آغاز کردیا گیا۔ تربیتی پروگرام کا اختتام 4 جولائی 2025 کو ہوگا۔
چیف الیکشن کمشنر سکندر سلطان راجہ نے تربیتی پروگرام کا افتتاح کیا۔ اس افتتاحی تقریب میں معزز ممبران الیکشن کمیشن بھی شریک ہوئے۔ چیف الیکشن کمشنر نے اپنے افتتاحی کلمات میں نئے افسران کو الیکشن کمیشن میں تعیناتی پرمبارکباد دی اور خوش آمدید کہا ۔
انہوں نے افسران پر واضح کیا کہ اُنکا انتخاب خالصتاً میرٹ کی بنیاد پر ہوا ہے اور اس پر اُنکو فخر ہونا چاہئے۔ انہوں نے کہا کہ انتخابات کا انعقاد ایک مشکل اورپیچیدہ عمل ہے۔ جس کے موثر انعقاد کیلئے آئین ،قانون،رولز،کوڈ آف کنڈکٹ کی جانکاری اور عملی تجربہ ضروری ہے۔
اس تربیتی پروگرام میں آپکو انتخابی قوانین، حلقہ بندیوں، ووٹر رجسٹریشن ،پولنگ کے طریقہ کار ودیگر دفتری امورکی انجام دہی سے متعلق تربیت دی جائے گی اور جہاں تک ممکن ہوگا عملی تجربات ومظاہرہ جات بھی کروائے جائیں گے۔ مزید اس دوران افسران کو جدید ٹیکنالوجی کے استعمال کے متعلق بھی آگاہی فراہم کی جائے گی تاکہ دوران سروس اور عملی زندگی میں ٹیکنا لوجی کو استعمال کرسکیں۔
اختتامی الفاظ میں چیف الیکشن کمشنر نے نئے افسران کو قوم کی خدمت ،آئین وقانون کے مطابق سرکاری امور کی انجام دہی اور عوام کے ساتھ خوش اخلاقی سے پیش آنے کی تلقین کی اور ٹریننگ پر توجہ مذکور کرنے پر زور دیا گیا،
