رسول اللہ صلی اللہ علیہ وسلم داعی دین اور لیڈر شپ کا بہترین نمونہ ہیں،ڈاکٹر حمیرا
جماعت اسلامی کے نزدیک قیادت منصب نہیں کردار ہے*
اسلام آباد(کشمیر ایکسپریس نیوز)اللہ کے دین کی دعوت دینا اور برائیوں کے سدباب کی جہد مسلسل اہل اسلام کی فطری ذمہ داری ہے، اخلاق و کردار میں دو رنگی اور منافقت چھوڑ دینا ہمہ وقتی فکر کا تقاضا کرتی ہے- ان خیالات کا اظہار سیکرٹری جنرل جماعت اسلامی پاکستان ڈاکٹر حمیرا طارق نے صوبہ سندھ کی ناظمات ضلع و نائبین اور ارکان صوبائ شوری کی تربیتی ورکشاپ خطاب کے دوران کیا –
انہوں نے کہا کہ ہمارا مقصد اخلاق وکردار میں اس طرح ڈھل جائے کہ یہ اوصاف شخصیت سے چھلکنے لگیں ۔
یہی جماعت اسلامی کے ذمہ داران کی تربیت کا حصہ ہے -اخلاقی اوصاف میں سچائی ہر خوبی کی بنیاد ہے۔نبی کریم صلی اللہ علیہ وسلم کے لئے دشمن بھی گواہی دیتے تھے کہ یہ امین اور صادق ہیں۔
رسول اللہ صلی اللہ علیہ وسلم لیڈر شپ کا بہترین نمونہ ہیں-جماعت اسلامی کے نزدیک قیادت منصب نہیں کردار ہے- اور یہ کردار تمام ارکان جماعت اور ذمہ داران کی پہچان بن جانا چاہیے-
انہوں نے کہا کہ غزہ آج پوری امت کے لیے ازمائش کی اماجگاہ بن چکا ہے – اہل غزہ تو شہادت کے درجے پر فائز ہوکر سرخرو ٹھہر رہے ہیں – ہمیں یہ فکر کرنا ہے امت محمدیہ صلی اللہ علیہ وسلم پر جو کربلا برپا ہے ، اس سوال پر رب کے حضور ہمارا جواب کیا ہو گا ؟ آج اپنی اپنی حثیت کے مطابق کام کر کے اپنا جواب تیار کر لیں – تربیتی ورکشاپ میں ڈپٹی سیکرٹریز عطیہ نثار ،عفت سجاد، ڈاکٹر زبیدہ جبیں،ڈپٹی سیکرٹری اور ڈائریکٹر میڈیا سیل ثمینہ سعید ، ناظمہ صوبہ سندھ رخشندہ منیب اور ان کی نائبین بھی موجود تھیں-#
