اپنی چھت اپنا گھر سکیم شروع،زمین کا کاغذ د کھائیں قرض لیں

اپنی چھت اپنا گھر سکیم شروع،زمین کا کاغذ د کھائیں قرض لیں : مریم نواز
پنجاب بھر سے 5 لاکھ درخواستیں موصول ہوئیں، 5 لاکھ درخواستوں کو دیکھتے ہوئے 5 لاکھ قرضے دینے کا فیصلہ کیا ہےقائد نے کہاسارا وقت آپ کی خدمت کیلئے لگاؤں، خوابوں کو پورا کرنے کیلئے محنت کرنی نوازشریف سے سیکھی،وزیر اعلیٰ
اسلام آباد ( کشمیر ایکسپریس نیوز) وزیر اعلیٰ پنجاب مریم نواز شریف نے اپنی چھت اپنا گھر سکیم کا اجرا کر دیا۔مسلم لیگ ن کے صدر نوازشریف اور وزیراعلیٰ پنجاب مریم نواز نے اپنی چھت اپنا گھر سکیم کی افتتاحی تقریب میں خصوصی شرکت کی۔

اس موقع پر خطاب کرتے ہوئے مریم نواز ریف نے کہا کہ نوازشریف صاحب کا دل سے شکریہ ادا کرتی ہوں، نوازشریف نے میری درخواست کو مانا اور یہاں تشریف لائے، یہ تقریب نوازشریف کے بغیر ادھوری رہتی، نوازشریف نے 1980 کی دہائی میں خواب شروع کیا، اپنا گھر اپنی چھت سکیم نوازشریف نے شروع کی۔

مریم نواز نے کہا کہ نوازشریف مجھے ہدایت کرتے ہیں کہ سارا وقت آپ کی خدمت کیلئے لگاؤں، خوابوں کو پورا کرنے کیلئے محنت کرنی نوازشریف سے سیکھی، آج قرض کی قسط دینے جا رہے ہیں، یہ 700 بلین روپے کا منصوبہ ہے، ہم نے اس منصوبے کو چھوٹے لیول سے شروع کیا تھا۔

اپنی چھت اپنا گھر سکیم شروع،زمین کا کاغذ د کھائیں قرض لیں

وزیر اعلیٰ پنجاب نے کہا کہ نوازشریف کی حکومت پر لوگوں کا اعتماد ہے، ہمیں اس منصوبے کیلئے پنجاب بھر سے 5 لاکھ درخواستیں موصول ہوئیں، 5 لاکھ درخواستوں کو دیکھتے ہوئے 5 لاکھ قرضے دینے کا فیصلہ کیا ہے، اس منصوبے سے 5 لاکھ گھر بن سکیں گے

انہوں نے کہا کہ شہروں میں 5 مرلے اور دیہاتوں میں 10 مرلے زمین والوں کو قرض دے رہے ہیں، شناختی کارڈ، زمین کا کاغذ دکھائیں اور قرضہ لے جائیں، ہم 15 لاکھ تک کے قرضے دے رہے ہیں، ہم سال میں 1 لاکھ گھروں کیلئے قرضے دیں گے۔

مریم نواز نے کہا کہ ہمیں بہت غریب طبقوں سے بھی درخواستیں موصول ہوئی ہیں، 15 لاکھ قرض لینے پر 9 سال میں قرض ادا کرنا ہوگا، اس قرض سکیم میں کوئی سود نہیں دینا، سکیم کے تحت آج لوگوں کو قرض کی قسط دی جائے گی، ڈیڑھ ماہ کی قلیل مدت میں اس پراجیکٹ کی پہلی قسط دینے جا رہے ہیں۔

منی بجٹ،ٹیکس نادہندگان کے اکائونٹ منجمد ہونگے