ڈڈیال پولیس کی بروقت کاروائی،چار رکنی گروہ گرفتار
ڈڈیال( ایم سہیل سے)ڈڈیال پولیس کی بروقت کاروائی، چوروں کا چار رکنی گروہ گرفتار
ایس ایچ او ڈڈیال راشد حبیب کے مطابق، ڈڈیال پولیس نے گزشتہ رات گشت کے دوران تھب میں ایک گھر میں چوری کی کوشش میں مصروف چوروں کے چار رکنی گروہ کو عوام علاقہ کے تعاون سے موقع سے گرفتار کر لیا ہے،
ملزمان اعجاز احمد ولد محمد صادق ساکن قمروٹی کوٹلی، صدام حسین ولد زاہد حسین ساکن کھوئیرٹہ، احتشام حسین ولد محمد حنیف ساکن کوٹ رچھالہ کھوئیرٹہ، ناصر حسین ولد محمد اشرف ساکن ڈھیری صاحب زادیاں کھوئیرٹہ کے زیر استعمال شہزور گاڑی کو بھی ضبط کرلیا ہے،
پولیس نے ملزمان کے خلاف مقدمہ درج کرکے تفتیش شروع کردی ہے، ایس ایچ او نے عوام علاقہ کی جانب سے پولیس کو بروقت اطلاع دینے پر مقامی ذمہ داران کا شکریہ ادا کیا ہے۔
