پاک بحریہ کے جہاز یاماما کی جدہ آمد،شاندار استقبال
جدہ(معروف حسین)پاک بحریہ کے نئے بحری جہاز یاماما جو پاکستان نیوی کا چار آف شور جہازوں میں سے آخری جہاز ہے، رومانیہ سے اپنے سفر کا آغاز کرتے ہوئے جدہ پورٹ پہنچا
جہاں یامام کے کمانڈنگ آفسر عبدالرحمان اورجہاز کے عملے نے سعودی رائل نیوی کے اعلی افسران، سفارتکاروں اور پاکستان کمیونٹی کے اعزاز میں ایک پرتکلف عشائیہ دیا
اس موقع پر سعودی رائل نیوی کے اعلی افسران ریرایڈمرل منصور ال جیاد کمانڈر رائل سعودی نیول فورس مغربی زون، میجر جنرل احمد ادبیس کمانڈر ویسٹرن ریجن، او آئی سی کے اسسٹنٹ سیکریٹری جنرل برائے ٹیکنالوجی اور قونصلیٹ کے افسران، اور پاکستان کمیونٹی کے مختلف مکاتب فکر کے افراد نے شرکت کی،
پاکستان اور سعودی عرب کے قومی ترانے سے شروع ہونے والی تقریب سے خطاب کرتے ہوئے پاکستان اور سعودی عرب کے دیرینہ تعلقات کا حوالہ دیتے ہوئے کہا کہ،ماضی میں پاکستان نیوی اور سعودی رائل نیوی مشترکہ مشقیں کرتی رہی ہیں اور ماضی میں بھی یہ سلسلہ جاری رہے گا، یاماما کی آمد پر سعودی رائل نیوی کی جانب سے خوش آمدید کرنے پر میں انکا شکریہ ادا کرتا ہوں
انہوں نے کہاکہ پی این ایس یاماما کے دورہ سعودی عرب کا مقصد برادرانہ تعلقات کو مضبوط بنانا تھا۔انہوں نے وسیع پیمانے پر دوطرفہ تعلقات اور دفاع کو فروغ دینے کے لیے پاکستان کے عزم کا اعادہ کیا، یاماما پر آمد سعودی رائل فورس کے اعلی افسران اور رائل فورس کے افسران نے جہاز پر موجود ہر شخص سے ملاقات کی اور پاکستان کی تعریف کرتے ہوئے نیک تمناؤں کا اظہار کیا
انہوں نے کہا کہ سعودی عرب اور پاکستان بحریہ کے درمیان تعاون، بھائی چارہ اور باہمی احترم پر مشتمل رہے انہوں نے پاکستان میں اپنے قیام کے دنوں کی یادیں بیان کیں
یاماما کے کمانڈنگ آفسیر عبدالرحمان نے نے کہا کہ یاماما، ہائی ٹیک، اور جدید ترین پلیٹ فارمز کو متنازعہ سمندری ماحول میں کام کرنے کے لیے ڈیزائن کیا گیا ہے یہ جہاز۔جنگ کے تمام شعبوں میں ڈیٹرنس پروجیکٹ کرنے کے لیے لیس ہے تقریب کے آخر میں عشائیہ سے قبل سعودی اور پاکستانی افسران نے ملکر کیک کاٹا۔
