اسلام آباد ویمن چیمبر کی جانب سے عید گالہ کا اہتمام
بڑی تعداد میں کاروباری برادری اور عوام شرکت کرے گی
اسلام آباد (کشمیر ایکسپریس نیوز)اسلام آباد ویمن چیمبر کی بانی صدر ثمینہ فاضل نے کہا ہے کہ خواتین کو با اختیار بنانے کی غرض سے آٹھ اور نو فروری کو اسلام آباد میں ایک رنگا رنگ عید گالہ کا احتمام کیا گیا ہے جس میں ایک سو سے زیادہ کاروباری ادارے اور عوام کی بڑی تعداد شرکت کرے گی۔
یہ تقریب سیکٹر بی 17 میں واقع ملٹی گارڈنز میں منعقد کی جا رہی ہے جس میں فیشن، کھانے پینے، میوزک، دستکاری ، کاسمیٹکس، جیولری اورگھریلو سجاوٹ سے تعلق رکھنے والی ایک سو سے زیادہ تاجر خواتین شرکت کریں گئ۔ انہوں نے مزید کہا کہ ہم نے ہمیشہ باصلاحیت تاجر خواتین کی مدد کی کیونکہ یہ خواتین کو بااختیار بنانے اور قومی ترقی کے لیے ضروری ہے۔
ثمینہ فاضل نے کہا کہ جڑواں شہروں کے علاوہ واہ کینٹ، حسن ابدال اور دیگر شہروں سے بھی لوگ اس گالہ میں شرکت کریں گے۔ رنگا رنگ جشن ، بچوں کی تفریح اور مختلف سرگرمیاں ہوں گی جن میں میجک شو اور مہندی کے اسٹال بھی شامل ہیں۔انہوں نے مزید کہا کہ یہ تقریب سب کے لیے ہے کیونکہ ہم اپنی خوشی میں ہر ایک کو شامل کرنا پسند کرتے ہیں۔
