جامعہ مسجد عثمانیہ بریڈفورڈ ہیٹن روڈ پر نئی مسجد کی تعمیر کا آغاز,افتتاحی تقریب
بریڈفورڈ ( محمد رجاسب مغل ) جامعہ مسجد عثمانیہ بریڈفورڈ ہیٹن روڈ پر نئی مسجد کی تعمیر کا آغاز ہو گیا ہے اس حوالے سے افتتاحی تقریب منعقد کی گئی
جس میں سابق لارڈ میئر چوہدری رنگ زیب ، کونسلر اشتیاق احمد اور مقامی کمیونٹی افراد کی بڑی تعداد نے شرکت کی
جامعہ مسجد عثمانیہ کے مہتمم علامہ مفتی محمد بشیر احمد طاہر نے تفصیلات بتاتے ہوئے کہا کہ اس مسجد کی تکمیل کا تخمینہ تقریباً چھ ملین پونڈ ہے
مسجد میں جہاں ہزاروں افراد نماز ادا کر سکیں گے وہاں بچوں کی تعلیم وتربیت کے لیے ایک عظیم یونیورسٹی بھی ہو گی جو کہ اسلامی اقدار اور ورثے کی روشنی میں مقامی کمیونٹی کی مذہبی ضروریات کو پورا کرے گی
انہوں نے کہا کہ جامعہ مسجد عثمانیہ کا ویژن کمیونٹی کے درمیان باہمی ہم آہنگی کو بہتر بنانا ہے اور اس بات کو یقینی بنانا ہے کہ اسلام کی تعلیم اور فراہم کردہ خدمات سب کے لیے کھلی ہوں
کونسلر اشتیاق احمد ، سابق لارڈ مئیر رنگ زیب چوہدری ، افتخار پوٹھی ،الحاج اقبال راٹھور ، علامہ قاری علی اظہر ،اور دیگر نے مسجد کے سنگ بنیاد رکھنے پر مفتی محمد بشیر احمد طائر کو مبارک باد دی
رہنماوں کا کہنا تھا مسلمانوں کی مذہبی ضروریات اور بچوں کی تعلیم وتربیت کے لیے یہ ایک عظیم ادارہ ہو گا
انہوں نے کمیونٹی سے بھرپور تعاون کی بھی اپیل کی تاکہ یہ مسجد جلد از جلد پایہ تکمیل تک پہنچ سکے اس موقع پر شرکاء نے مسجد کی تکمیل کے لیے اجتماعی دعا کی ۔
Comments are closed.