میرپور پولیس کی کارروائی،چرس،شراب برآمد،3ملزمان گرفتار سی آئی اے سٹاف میرپور نے منشیات فروشوں کے خلاف آپریشن کیا گیا،ترجمان
میرپور (بیو رورپو رٹ )میرپور پولیس کی جرائم پیشہ عناصر کے خلاف متعدد کاروائیاں،1 کلو 360 گرام چرس، 12بوتل شراب برآمد،3روپوش ملزمان گرفتار، فحاشی کے اڈہ پر چھاپہ 03ملزمان گرفتار ۔
ترجمان ڈسٹرکٹ میرپور پولیس کے مطابق CIAسٹاف میرپور نے منشیات فروشوں کے خلاف آپریشن کیا گیا۔ سائیں بشیر دربار حدود تھانہ تھوتھال کے مقام سے ملزم فرمان علی سے چرس وزنی 540 گرام برآمد کرتے ہوئے گرفتار کر لیاجبکہ دوسری کارروائی میں ملزمان ذوالفقار علی اور مسماۃ نازش عدنان سے چرس گردا 820 گرام برآمد ہونے پر مقدمہ درج رجسٹر کرتے ہوئے تفتیش کا آغاز کردیا ہے۔
تھانہ پولیس افضل پور نے بھی جرائم پیشہ عناصر کے خلاف آپریشن کرتے ہوئے ملزمان رئیس منور، عمر منیر ساکنان رٹھوعہ محمد علی میرپور کے قبضہ سے 12 بوتل شراب برآمد کرکے گرفتار کر لیا جبکہ دوسری کارروائی میں روپوش ملزم تبسم یونس قوم جٹ ساکن بڑیال جس سے چند روز قبل 459 بوتل شراب برآمد ہوئی تھی اور ملزم پولیس پارٹی پر فائرنگ کرتے ہوئے موقع سے بھاگ گیا تھا کو گرفتار کر کیا۔
میرپور پولیس کی کارروائی،چرس،شراب برآمد،3ملزمان گرفتار
آپریشن میں 2 روپوش ملزمان حسن رضا اور زاہدہ پروین قوام راجپوت ساکنان چک ٹھاکرہ تحصیل و ضلع میرپور کو گرفتار کیا گیا۔ تھانہ افضل پور کے مقدمہ میں مطلوب 02کس ملزمان محسن قوم بٹ، داؤد یوسف قوم گجر ساکنان چڑیانوالہ تحصیل کھاریاں ضلع گجرات کو ٹریس و گرفتار کرتے ہوئے ملزمان سے چوری شدہ 1 لاکھ 10 ہزار روپے اور چوری میں استعمال کی جانے والی گاڑی بھی ضبط کر لی گئی ہے۔ تھانہ پولیس تھوتھال نے سیکٹر جی ون میرپور فحاشی کے اڈے پر چھاپہ مارتے ہوئے اڈے کی مالکہ مہوش سکنہ کھوئی رٹہ حال میرپور، مدیحہ سکنہ بھیرہ حال سنگوٹ میرپور اور محمد قاسم سکنہ بلانی ہزارہ ضلع گجرات کوگرفتار کرتے ہوئے مقدمہ درج رجسٹر کرلیا ہے۔
Comments are closed.