ویمنز ٹی ٹونٹی ورلڈ کپ،کل مزید دو میچ کھیلے جائیں گے

ویمنز ٹی ٹونٹی ورلڈ کپ،کل مزید دو میچ کھیلے جائیں گے پہلا میچ جنوبی افریقا اور سکاٹ لینڈ کی خواتین ٹیموں کے درمیان کھیلا جائے گا

دبئی (سپورٹس نیوز) انٹرنیشنل کرکٹ کونسل (آئی سی سی)کے زیر اہتمام یو اے ای میں جاری ویمنز ٹی ٹونٹی ورلڈ کپ میں (کل)بدھ کو مزید دو میچوں کا فیصلہ ہوگا۔پہلا میچ جنوبی افریقا اور سکاٹ لینڈ کی خواتین ٹیموں کے درمیان کھیلا جائے گا جبکہ دوسرے میچ میں بھارت اور سری لنکا کی ویمنز ٹیمیں پنجہ آزمائی کریں گی۔

دونوں میچز دبئی انٹرنیشنل کرکٹ سٹیڈیم ،دبئی میں کھیلے جائیں گے۔آئی سی سی ویمنز ٹی ٹونٹی ورلڈ کپ کے نویں ایڈیشن کے انتہائی دلچسپ اور کانٹے دار مقابلوں کا سلسلہ متحدہ عرب امارات میں جاری ہے جس میں شائقین کرکٹ کو اچھی کرکٹ دیکھنے کو مل رہی ہے ۔

میگا ایونٹ میں 10 خواتین ٹیمیں ٹائٹل کے حصول کے لئے پنجہ آزمائی کررہی ہیں۔آسٹریلوی ویمن ٹیم ٹائٹل کے دفاع کے لئے کوشاں ہے ۔پاکستان کی ٹیم میگا ایونٹ میں اپنا تیسرا میچ 11 اکتوبر کو دفاعی چیمپئن آسٹریلیا کے خلاف کھیلے گی۔

میگا ٹورنامنٹ میں 20 میچز کے بعد پہلا سیمی فائنل میچ 17 اکتوبرکو دوسرا سیمی فائنل میچ 18 اکتوبر کو جبکہ فائنل میچ 20 اکتوبر کو شیڈول ہے ۔ میگا ایونٹ میں شامل10ٹیموں میں دفاعی چیمپئن آسٹریلیا ،نیوزی لینڈ ، جنوبی افریقا، سری لنکا ، بنگلہ دیش ،پاکستان، بھارت، انگلینڈ، ویسٹ انڈیز اور سکاٹ لینڈ شامل ہیں۔

ویمنز ٹی ٹوئنٹی ورلڈ کپ کی انعامی رقم میں ریکارڈ اضافہ