وزیراعظم شہباز سے نئے وفاقی وزراء سمیت وفاقی کابینہ کے ارکان کی ملاقات
اسلام آباد(سٹاف رپورٹر)وزیراعظم محمد شہباز شریف سے نئے وفاقی وزراء، وزراء مملکت اور مشیروں سمیت وفاقی کابینہ کے ارکان کی ملاقات،وزیراعظم کا وفاقی کابینہ کے نئے ارکان کے اعزاز میں ناشتے کا اہتمام
وزیر اعظم شہباز شریف نے کہا کہ آپ سب کا انتخاب آپ کی قابلیت اور صلاحیتوں کی بنیاد پر کیا گیا ہے،ہم سب اللہ تعالیٰ اور عوام کی عدالت میں جواب دہ ہیں،ایک سال کے عرصے مہنگائی میں خاطر خواہ کمی، زر مبادلہ کے ذخائر میں اضافہ، ترسیلات زر میں اضافہ اور دیگر معاشی اعشاریے آئندہ سالوں میں مزید بہتر بنانے کے لیے انتھک محنت جاری رکھیں گے
وزیراعظم نے کہا کہ تمام وفاقی وزراء اور کابینہ کے دیگر ارکان کی کارکردگی کا باقاعدہ اور متواتر جائزہ میں خود لوں گا، عوامی نمائندوں کے طور پر آپ سب کی خدمات لائق تحسین ہیں،اسلام آباد، نومنتخب وفاقی وزیر مصطفی کمال و دیگر وفاقی وزراء وزیر اعظم کی جانب سے ملاقات کے دوران وزیر اعظم ہاوس میں موجود ہیں
